Gembel Enkontru ho Grupo Criansas das Unidas

Grupo Gembel halao enkontru ho Ciriansas das Unidas iha fatin Criansas Unidas nia fatin, Taibesi-Dili.

        Iha enkontru ne’e Grupo Ciansas das Unidas husu ba Banda Musika Gembel atu akompanha sira, iha sira nia treino  musika nebe mak sei toka iha consertu, Grupo Ciransas ne’e mos hato’o ba Banda Musika Gembel atu fo suporta sira konaba oin nusa mak bele toka ho diak no maneja tempo ba musika nian ho diak wainhira halao consertu iha publiku.

Nune’e  mos akompanha sira atu realiza programa toka ka consertu nebe mak sei halao iha Dili laran, konaba loron Paz nian.

Gembel Art Collective Partisipa iha Conferencia Akademia Kultura no Industria Kreativa

Gembel Art Collective partisipa conferencia konaba Akademia Kultura no Industria Kreativa, tema ida ne'e hetan aspirasaun husi grupo artistas hotu iha Timor laran tomak inklui artistas husi rai liur, hodi partisipa iha conferencia ida ne'e. 

Ojectivo conferencia ida ne'e atu hamosu idea ka hanoin konaba oinsa mak bele atu Akademia ida ba Kultura no Industria Kreativa nian; mak hanesan Artezenatu, Musika, Pinta no seluk tan.

Gembel Partisipa Iha Consertu Iha CCD - Ex.Mercado-Lama.

Enseramentu ba loron conferencia Akademia Arte no Industria Kriativa nebe mak halao husi Secretatio Estado Cultura halo iha Centru Convensaun Dili (CCD) ou Ex.Mercado Lama.

Grupo Banda Musika Gembel hetan oportunidade hodi partisipa iha consertu musika hamutuk ho Rai Nain, Cinco do Oriente no seluk tan. Iha opotunidade ida ne'e Banda Musika Gembel fo animasaun musika iha 3.
Iha consertu ne'e hetan antuziasmu husi ema barak tamba musika nebe mak grupo Gembel oferece ne'e konaba musika Kultura ho nia irama Teb-tebe kahor rege no mos fangky.

Grupo Gembel Produs Imagen Abstratu

         Kuaze loron ne'en (6) ona Grupo Gembel halo ninia actividade iha Timor Aid nia fatin (besik Loja Lita Store nia sorin, Bidau Licidere), ho tempu nebe'e maka limitadu tebes atu obriga Grupo Gembel ne'e atu produs Imagen Abstratu barak hodi preinse fatin nebe'e mak sei prepara husi Comisaun Feira nebe sei hala'o iha CCD (Ex-Mercado Lama). Iha actividade ne'e Grupo Gembel sei produs Imagen Abstratu oi-oin konaba situasaun nebe akontese iha Timor Leste hahu'u husi Colonialismo, Ocupasaun no tempu Unkun-an nian. Iha Imagen abstratu ne'e mos koalia konaba Kultura, politika no seluk tan nebe'e labele defini ida-ida. 

Iha Imagen ne'e hatudu katak, membru grupo hala'o serviso artezenatu (ukir/cukil) ka halo mal ba Imagen abstratu nian. 

Roki (Faru mean kesi hena metan iha ulun), Vascu (Faru mean) , no Apin (Faru mutin).

Bisquit, halo mal ho triplex.

Ino Parada, halo mal ho buracha.

Mal-mal sira nebe'e mak prontu ona atu uza ba prosesu Imagen abstratu.

Depois halo tiha Mal no ikus mai nia rezultadu sei sai hanesan tuir mai ne'e;

       Imagen abstratu ne'e hatudu katak, Abo Lafaek rua halehu hela Uma Lulik Timor no Loron Matan Mosu husi foho Tolu nia le'et. husi Imagen ne'e atu fo hatene ba ita katak Rai Timor Lorosa'e ne'e nia hun metin duni.

         Iha Imagen abstratu ne'e hatudu katak, iha Militar Tiru mate ema, iha Igreja, Rate nakonu ho Cruz, Justisa nebe la justu, no seluk tan. Ne'e katak Povu Timor Leste Terus duni iha tempu Colonialismu, Ocupasaun no tama to'o ukun-an nia laran.

        Iha Imagen abstratu ne'e koalia konaba 12 de Novembro 1991, akontesementu ida nebe'e mak Joven mate barak.