Grupo Gembel Aprezenta Teatru Konaba Violencia Domestika

Grupo Teatru Gembel  horseik (16-08-2011) hatudu teatru ida konaba Violencia Domestika, teatru ne’e aprezenta ba NGO Internasional Paz y Desarrollo ho durasaun tempu ba Teatru ne’e maiz ou menus 25 minutus. Teatru nebe mak hatudu ne’e se dauk kompletu no presiza hadiak liu tan hodi nune’e bele hata’an ba NGO Internasional Paz y Desarrollo nia hakarak.

Ojectivu aprezentasaun teatru ne’e,  atu hatene oinsa preparasaun Grupo Gembel nian konaba Teatru Violecia Domestika nebe mak sei aprezenta iha komemorasaun loron Feto nian nebe mak sei halao iha fulan Novembru iha  Distrito Viqueque.  

Imajen Teatru Violencia Domestika.

 

Banda Musika Gembel Halo Consertu Hamutuk Ho Criansas Unidas Timor Leste, Iha Palacio Presidente

Iha Sabadu (13/08/2011) foin lalais ne’e Grupo Banda Musika Gembel Halao Consertu iha Palacio Presidente hamutuk ho Criansas Unidas Timor Leste nian. Iventu ne’e realiza husi Criansas Unidas rasik i akompanha husi Grupo Gembel, no hetan suporta maka’as husi Sua Excelencia Dr. Jose Ramos Horta Presidente da Republica. Fatin ba consertu ne’e halao iha Palacio Presidente nian.

Iha inventu ida ne’e partisipa mos husi Sra. Cristy Gusmao no autoridade Internasional balun nomos husi inan aman husi labarik sira nian.

Ojectivu husi  iventu ne’e katak  atu “Hakribi  Violencia  Hasoru  Labarik”

Musika nebe mak Banda Musika Gembel oferece ne'e konaba musika Kultura, mak hanesan ; Bidu (Tebe-Diku Rai) no Kultura Rai Nain. musika ne'e anima tebes no hetan antuziamu husi Crinsas no publiku.